Pajina prinsipal

Nuestra famiya se sta interesando en objektos rituales Djudios – komo kolektores i
protektores – por muchas djenerasyones i en diversos paezes. Por la Fondasyon de Rothschild Hanadiv Evropa kontinuamos a ayudar por la konservasyon, dokumentasyon i ekspozisyon de livros i de arkivos por el Djudaizmo. Perkuramos tambyen a topar nuevos instrumentos ke pueden ayudar un publiko mas grande de tener akseso a este materyal storiko, relidjozo i artistiko; por esto me syento muy orozo por el fato ke nuesta Fondasyon a kriado el Judaica Index – un manadero on-line kon mas de 200 objektos rituales Djudios, ke se puede bushkar in 15 linguas kon el nombre o kon una palavra-yave, el kual se va star enrikesyendo i aktualizandose regolarmente. Sto seguro ke este instrumento va devenir un rekorso dijitale primaryo por todas la institusyones de eredensya Djudia i por los investigadores ke lavoran kon la kultura de materyal Djudyo.

Kero rengrasyar la Dr. Brigitte Sion, la diridjente de los subsidyos del muzeo en la Fondasyon, por su devuamyento i su dilijensya en la konsepsyon de este projeto i su realizasyon. Eya a lazdrado kontinualmente kon mucha djente, i kero ademas, rengrasyar los muzeos, las bibliotekas i las koleksyones privadas ke mos daron imajes, los ekspertos por sus konsejos djenerozos i los traduktores i los investigadores ke realizaron este leksiko multilingual. Espero ke este leksiko de Djudaika va enrikeser muestro entedimyento kolektivo de los kostumbres i ritos ke stan ayinda formando le vida Djudia.

Lord Jacob Rothschild